جميع الطرق لتغيير الصورة الشخصية لحساب Xbox

IMG 20201031 201016

1 – اذا حاب تغير صورة العرض من الاكس بوكس نفسه عندك طريقتين وراح ابدا بالاسهل، تتدخل متصفح Edge, تبحث عن الصورة اللي تبيها واذا مثلا معك صورة بالجوال وتبي تجيبها بالاكس بوكس عادي ارفعها بأي موقع مثل Imgur، Dropbox, او حتى OneDrive.. المهم بعدها تحط السهم على الصورة وتضغط ستارت وبيطلع لك “Save picture as” تضغط عليه وبعدها تضغط Save. بعد كذا تتدخل حسابك بالاكس بوكس وتروح عند تعديل الصورة وبتحصل بالزاوية مكتوب Upload a custom image/ رفع صورة مخصصة، وتضغط على الصورة اللي حملتها وتحدد الدائرة وتضغط Upload وبس. طبعا اذا حاب تحمل صورة من قوقل وتبي الحجم يكون مناسب، اكتب اسم الشخصية او الشي اللي تتدور عليه واكتب جنبه 1080×1080.
1.5 – ايضا تقدر تحط الصورة بالفلاش من البي سي وتشبكه بالاكس بوكس وعلى طول تروح لصفحة تعديل الصور وتضغط عليه وبس.

2 – اذا عندك Windows 10 برضو تقدر تغير الصورة من تطبيق ال Xbox على طول.

3 – اذا حاب ترجع الخاصية تبع تغيير الصور بتتطبيق الجوال ومعك نظام Android (ايفون/IOS ما يضبط) تحذف تتطبيق الاكس بوكس من الجوال بحكم ان التحديث الجديد باقي ما تم اضافة خاصية تغيير صورة العرض، وتروح قوقل وتكتب Xbox App Apk وراح تحصل اكثر من موقع رافع تتطبيق الاكس بوكس بجميع الاصدارات، حمل الاصدار قبل الاخير عشان تحصل فيه خاصية تغيير الصور بس تأكد انك توقف الستور انه يحدث التطبيق من نفسه. واذا حاب لسى تجرب بعض خصائص اللي بالتطبيق الجديد، حمل تطبيق Xbox Beta من الستور لان هو التطبيق اللي يوصل له كل شي اول ب اول.

عدد مشاهدات الموضوع 68

Helper Xbox

Instagram: @Helper_Xbox

اترك تعليقاً

زر الذهاب إلى الأعلى