بسم الله الرحمن الرحيم
ما هي Project xCloud؟
بكل اختصار خدمة ألعاب سحابية.
حاليا تقدر تلعب مجانا بس لازم تسجل بالخدمة ويرسلون لك دعوة وبعدها بيسمح لك تلعب، اما اذا حاب تبث جهاز الاكس بوكس وتلعب على الجوال فما يحتاج تسجل بالخدمة وبس حمل تطبيق الخدمة على الجوال ( متوفر على الاندرويد فقط حاليا ) بحكم ان التطبيق غير متوفر عندنا حاليا، لازم تحملها عن طريق موقع ثاني. ابحث بقوقل Xbox Gaming Stream APK وادخل على موقع Apkmirror وراح تقدر تحمل التطبيق.
التسجيل من هذا الرابط: https://www.xbox.com/en-US/xbox-game-streaming/project-xcloud/register
سجل دخول حسابك بالاكس بوكس واكمل الأستبيان وانتظر لين يوصلك دعوة على الايميل. ( ممكن ياخذ وقت او ما يوصلك )
الخدمة التجريبية حاليا متوفر بأمريكا، بريطانيا و كوريا الجنوبية، فاراح تحتاج VPN بالجوال عشان يشتغل معك التطبيق.
ايضا يد التحكم/Controller لازم يدعم البلوتوث
اذا حاب تشبك اليد بالجوال، الطريقة سهله جدا، افتح البلوتوث بالجوال وبعدها شغل يد الاكس بوكس واضغط على زر الاتصال لمدة ثلاث ثواني ( الزر الدائري اللي جنب منفذ الشحن ) وبعدها اليد راح يظهر بقائمة البلوتوث بجوالك
