شروحات وحلول

كيفية استرجاع حساب ال Outlook و ال Xbox اذا فقدت كلمة المرور

بسم الله الرحمن الرحيم

راح اشرح كيف تسترجع حسابك اذا نسيت كلمة المرور حتى لو الايميل البديل اللي مرتبط بالحساب ناسيه

اول شي تتدخل على http://login.live.com وتكتب اسم الايميل اللي ناسي الرمز حقه وتضعط التالي وبعدها اضغط نسيت كلمة المرور وبيكون الايميل اللي ناسي الرمز حقه مكتوب امامك واضغط التالي. راح يظهر لك صفحه نفس الصوره اللي تحت، اذا تعرف الايميل البديل اللي تشوفه قدامك او اخر رقمين هو رقم جوالك فاختار وحده من معلومات الاسترجاع اذا كانت صحيحه وبكذا تقدر تسترجع على طول اما اذا ناسيهم فاضغط “ليس لدي أي من هذا” وبعدها التالي.

طبعا راح تتطلع لك صفحه زي الصوره اللي تحت وكل اللي عليك تكتب ايميلك الثاني او ايميل يقدرون يتواصلون معك فيه، عشان اذا قدرو يرجعون لك الحساب يتواصلون معك هناك وبعدها اضغط التالي وراح يوصلك كود على ايميل التواصل تحطها بالخانه اللي قدامك وراح تقدر تكمل الخطوات

الصفحات القادمه لازم جميع المعلومات تكون صحيحه واذا ناسيهم بالمره، حاول تخمن وممكن يطلع صح واذا مره ما تتدري تقدر تتركهم فاضيه. اما بالصفحه اللي تشوفونها بالصوره تحت، المفترض ان الاغلب حافظ الاسم وتاريخ الميلاد اللي حاطهم بالايميل وأي منطقه بالضبط. بعد ما تعبي المعلومات اضغط التالي

الصفحه اللي تشوفونها تحت مهمه جدا. بالخانتين الموجوده تكتب فيها كلمات المرور السابقه اللي كنت تستعملها واذا حاب تضيف خانات اكثر اضغط على إضافة كلمة مرور أخرى. بالخيارات اللي تحت، اذا قد استعملت ال Hotmail / Outlook وارسلت لرساله لأي ايميل فعلها واذا عندك سكايب مسجل بالايميل اللي انت ناسي الرمز حقه برضو فعلها اما الخيار الثالث اذا عندك حساب بالاكس بوكس برضو فعلها لان راح يسالك بعض الاسئله وكل ما كانت معلوماتك عن الايميل اكثر تزيد فرصتك للموافقه على الاسترجاع. واخر خيار اذا قد شريت شي بالبطاقه البنكيه من متجر مايكروسوفت سواء كانت ألعاب او اشتراك قولد  فحط “نعم”

زي ما تلاحظون بالصوره اللي تحت، يتطلب منك تكتب الايميل حق الاشخاص اللي قد راسلتهم وبالخانتين اللي تحت تكتب المواضيع المرسله، عبيهم كلهم واضغط التالي

اذا قد سويت حساب Skype، اكتب اسم حسابك والايميل و ٣ اسماء من جهات الاتصال واذا قد دفعت شي اضغط نعم وكمل المعلومات الباقيه

بالصفحه التاليه راح يسالك عن اكثر جهاز اكس بوكس تستخدمه بالفتره الاخيره فانا اخترت Xbox One وبعدها اكتب اسم حسابك بالاكس بوكس والرقم التسلسلي حق الجهاز ( الرقم التسلسلي تحصله ورا جهازك على اللاصق او ادخل اعدادات الجهاز > النظام > معلومات وحدة التشغيل وراح يظهر الرقم التسلسلي امامك. تأكد من الكتابة واضغط التالي

بالصفحه الاخيره راح يسالك عن بطاقة بنك قد ربطتها بحسابك وشريت فيها اكتب المعلومات واضغط التالي وبكذا تقدم طلب استرجاع.. اول ما تقدم طلب راح يوصلك رساله على الايميل اللي حطيته عشان يتواصلون معك وانتظر تقريبا 48-24 ساعه وراح يردون عليك بأذن الله.

عدد مشاهدات الموضوع 20
اظهر المزيد

Xbox Helper

Instagram: @Helper_Xbox
إغلاق